Демографтар 1930-шы жылдары аштықтан қырылған адамдардың нақты санын атады.
Украина Ұлттық ғылым академиясының демография институтының бағалауы бойынша, 1932-1934 жылы ұлы жұт кезінде КСРО территориясында 8,7 миллион адам аштықтан қырылған. Оның ішінде ең көп жапа шеккені – Қазақстан деп жазады УНИАН.
Украинадағы М.Птухи атындағы демография және әлеуметтік зерттеу институтының аға ғылыми қызметкері Левчук:
“Біздің есеп бойынша, 1932-1934 жылы ұлы жұт кезінде КСРО территориясында 8,7 миллион адам аштықтан қырылған. Оның ішінде ең көп жапа шеккені – Қазақстан (22,4%), одан соң Украина (13,3%), одан кейін Ресей (3,2%) мен Беларусь елі(1,3%), Кавказ бен Орта Азия елдерінде адам шығын әлдеқайда аз болды. Негізінен, зардап шеккендер – ауыл халқы. Ауыл құрдымға кеткен соң қаладан да береке кеткен”, – дейді.