Шымкентте жезөкшелерден мезі болған тұрғындар шағым айтты. Қаланың қақ ортасындағы Төлеген Айбергенов көшесін жағалай тұрып, пәтерлерін жалға беретіндер клиенттерге жеңіл жүрісті қыздарды да ұсынады екен.
Бұл туралы КТК арнасы хабарлайды.
Қазақтың көрнекті ақыны Төлеген Айбергенов атындағы көшедегі үйлер соңғы 5 жылда жезөкшелердің ордасына айналған. Пысықайлар кезінде мұндағы үйлерден көптеп пәтер алып, оларды сағаттап жалға беруде. Қазір әр подъезде 5-6-дан жалдамалы пәтер бар. Және әрқайсынан күндіз-түні бөтелкенің сылдыры мен сылқымдардың ыңғайсыз дыбыстары естілуде.
“Жыныстық қатынастың дыбыстары шығады. Түні бойы сол. Бала-шаға сұрайды. Оларға не деп түсіндірем?”, деді қала тұрғыны.
Ал түнгі серуеннен ауланы қоқыс басқанын айтпаса да түсінікті. Бүлдіршіндер болса мүшеқапты шар деп үрлеп, ересектердің есін шығаруда. Әбден мезі болған жұрт ескерту жасап, келімсектермен өзінше күресуге көшкен. Тек пәтерді жалға берушілер мен алушылар қазір жұртты ашық қорқытуды шығарыпты.
“Бала-шағаңды ойласаңдар менің жұмысыма кедергі болмаңдар деп айтады. Прокуратураны сатып алғам, полицияны сатып алғанмын, олар маған жұмыс істеуге рұқсат берді, сендер кімсіңдер деп қоқаңдайды”, дейді көрші пәтердің тұрғындары.
https://kaz.365info.kz/tyr-zhalanash-toregali-tagy-da-iship-alypty-video-330424
Бірақ сол пәтерлерге кім көрінген жынойнақ жасап жатқанын тексеру мүмкін болмай тұр. Жауап беруге қиналған болуы керек, әкімдік те ішкі істер департаменті де тілдескісі келмеді. Ал Шымкенттің жеңіл жүрісті сылқымдарын жазбай тануға дейін жеткен тұрғындар құлақ тыншыр күн мен түнді армандаумен келеді. Сол арман орындалуы үшін жүздеген тұрғын жаппай қол жинап, Шымкенттен шығара алмаған нәтижені Астаналық шенеуніктерден сұрап көрмек.