Бұл туралы Daily Mail басылымына сілтеме жасап Stan.kz ақпарат агенттігі хабарлайды.
Анасы Дун-Дун есімді 5 айлық ұлының үнемі көзін сүрте беретінін байқап, ауруханаға алып келген. Сәбиді тексерген дәрігерлер оның көз алмасының беті мен астыңғы қабағының астынан көптеген жұмырқұртты байқапты.
Медицина қызметкерлері балаға «ноғала» диагонзын қойды. Бұл көздің Thelazia callipaeda аталатын домалақ құрттармен зақымдалуы. Аталған инфекция адамдарда, иттер мен мысықтарда кездеседі. Баланың анасы үйде жануарларды ұстамайтынын айтты. Алайда ұлының көршілердің үй жануарларын ұстап, ойнағанын көрген.