БҰҰ Сириядағы химиялық шабуылға Ресейді айыптады (видео)
Біріккен Ұлттар ұйымы Сириядағы ушыққан жағдайға байланысты нақты бір шешім қабылдай алмай отыр. Олар тек 72 адамның өмірін жалмаған химиялық шабуылды айыптаумен шектелді.
Әуеден соққы жасалған кезде улы газ бомбасын қай тараптың қолданғаны да нақтыланбаған деп хабарлады Associated Press.
Сирия оппозициясы мен Үкімет бұған бірін-бірі кінәлауда.
Батыс ақпарат құралдары химиялық шабуылды Ресейдің көмегімен Башар Асад әскері жасады дейді. Өйткені, айғақтар көп екен.
Ресми Мәскеу мұны мойындаған жоқ.
Хан-Шейхун қаласындағы химиялық шабуыл сейсенбі күні жасалған болатын. 72 адам зарин газына ұқсайтын улы қоспаға тұншығып өлді. Оның біразы балалар.
“Асадты өзгертеміз деп қанша жыл кетті, бірақ бәрі бекер. Ақыры қайғылы жағдайлармен тынып жатыр. Бейбіт елге химиялық шабуыл жасалды. Біз соны жасаған әуе базаның көзін жойдық. Босқындар тоқтар емес, өңірде тұрақтылық орнамады, ал бұл АҚШ пен оның одақтастарына қауіп төндіруде” деп мәлімдеді АҚШ президенті Дональд Трамп бұл халықаралық жанжалға қатысты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе