Бүгін Қытайда Димаш Құдайберген бақ сынған Singer-2017 тележобасының гала-концерті өтеді.
Бұл туралы алдында Димаш әлеуметтік желідегі жеке парақшасында мәлім еткен еді. Ал бүгін осы концерт алдында ол жаңа әнінің тұсауы кесілетіні туралы айтты.
“Бүгін – Singer тікелей эфирінің гала-концерті. Астана уақыты 20:00-де Бейжің уақытымен 22:00-де Hunan TV арнасында.
Мұнайдар Баймолданың сөзіне жазылған, сазгер Айгүл Бажанованың “Махаббат бер маған” атты əнін орындаймын. Тұсаукесер!
Кешкілік эфирде кездескенше!” – дейді Димаш Инстаграмдағы жеке парақшасында.
Еске сала кетелік, 14-кезеңге ұласқан бұл байқауда Димаш ІІ-орын алды. Осы жоба аясында оның танымалдылығы алдыңғысынан арта түсіп, талассыз талант екендігі Азиядағы марапаттармен кезекті рет тағы мойындалды.