28 тамыз күні Қазақстан аумағында жауын-шашынсыз күн райы сақталады, тек солтүстікте және шығыста атмосфералық фронттардың өтуіне байланысты өткінші жаңбыр жауып, найзағай ойнайды.
Қазгидрометтің хабарлауынша, жекелеген аумақтарда қатты жел тұрып, солтүстікте түнде және таңертең тұман күтіледі.
Қостанай, Солтүстік Қазақстан, Шығыс Қазақстан облыстарының кей жерлерінде найзағай ойнап, жел екпіні 15-20 м/с күшейеді. Солтүстік Қазақстан облысында түнде және таңертең тұман болады.
Маңғыстау, Атырау, Қарағанды облыстарының кей аумақтарында қатты ыстық ауа-райы сақталады.
Дүйсенбі күні Ақтөбе, Атырау, Қызылордада, Оңтүстік Қазақстан, Жамбыл, Алматы, Шығыс Қазақстан, Батыс Қазақстан, Қостанай, Қарағанды, Ақмола облыстарында жоғары өрт қаупі сақталады.