Бүгін Қазақстанның басым бөлігінде қатты жел тұрып, бұршақ жаууы мүмкін
31 шілдеде Қазақстанның басым аймақтарында тұрақсыз ауа-райы сақталады деп болжанады. Оңтүстіктен басқа өңірлерде жаңбыр жауып, қатты жел тұрып, найзағай жарқылдап, бұршақ жауу ықтималдылығы жоғары.
Қазгидрометтің келтірген мәліметінше, еліміздің оңтүстік-батысында, оңтүстігінде және оңтүстік-шығысында жауын-шашынсыз ауа-райы сақталады.
Күндіз Ақмола, Атырау, Батыс-Қазақстан, Ақтөбе, Павлодар, Шығыс Қазақстан облыстарында және түнде Солтүстік Қазақстан облысының кей жерлерінде найзағай, бұршақ, дауыл болуы мүмкін.
Күндіз Алматы, Жамбыл, Оңтүстік Қазақстан, Атырау, Қостанай облыстарында және Кызылорда, Маңғыстау, Батыс Қазақстан, Қарағанды, Ақтөбе облыстарының кей жерлерінде қатты ыстық күтіледі.
Атырау, Қызылорда, Оңтүстік Қазақстан, Жамбыл, Алматы облыстарында және Батыс Қазақстан, Ақтөбе, Қарағанды облыстарының кей жерлерде өрт қаупі сақталады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе