Бүгін еліміздің оңтүстік өңірлерінде күн суытып, жаңбыр жауады
Атмосфералық ағындардың өтуіне байланысты Қазақстанның басым бөлігінде жауын-шашын (көбінесе жаңбыр), оңтүстік және оңтүстік-шығысының кей жерлерінде қатты жаңбыр жауады, деп хабарлайды Қазгидрометке сілтеме жасаған ҚазАпқпарат.
Республиканың оңтүстігінде найзағай жарқылдап, бұршақ жаууы мүмкін. Кей жерлерінде жел күшейіп, тұман түседі.
Оңтүстік Қазақстан облысының кей жерлерінде жел 15-20, екпіні 25 м/с жетеді. Қызылорда облысының кей жерлерінде тұман күтіліп, түнде жел 15-20 м/с күшейеді.
Маңғыстау облысының кей жерлерінде тұман түсуі ықтимал, күндіз шаңды дауыл, жел 15-20 м/с күшейеді. Қостанай, Ақтөбе облыстарының кей жерлерінде тұман болып, күндіз желдің жылдамдығы 15-20 м/с жетеді.
Ақмола, Солтүстік Қазақстан, Павлодар облыстарында, түнде Қарағанды, Шығыс Қазақстан облыстарының кей жерлерінде тұман түсуі мүмкін. Шығыс Қазақстан облысында жел 15-20 м/с күшейеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе