Республиканың батыс және солтүстік-батыс аймақтарында жаңбыр, кей жерлерде нөсер жауын жауып, найзағай болады, жел күшейеді, күндіз батыста бұршақ жаууы мүмкін, – деп хабарлайды синоптиктерге сілтеме жасаған Sputnik Қазақстан агенттігі.
Қазақстанның басым бөлігіне антициклон әсер етеді, жауын-шашынсыз ауа райы сақталады, тек республиканың батыс және солтүстік-батыс аймақтары атмосфералық фронталды бөліктердің әсерінде болады, сонымен байланысты тұрақсыз ауа райы күтіледі, жаңбыр, кей жерлерде нөсер жауын жауып, найзағай болады, жел күшейеді, күндіз батыста бұршақ жаууы мүмкін.
Солтүстік Қазақстан, Қостанай, облыстарының кей жерлерінде желдің 15-20 м/с дейін күшеюі күтіледі, түнде және таңертең — тұман болады.
Батыс Қазақстан, Маңғыстау, Ақтөбе, күндіз Атырау облыстарының кей жерлерінде жел 15-20 м/с күшейеді.