Бүгін еліміздің 7 өңірінде бұршақ жауады деп күтіледі
11 тамыз күні елдің басым аймағында құбылмалы ауа-райы сақталады, найзағай ойнап, жаңбыр, бұршақ жауады, жел күшейіп, дауыл тұруы мүмкін.
Қазгидрометтің хабарлауынша, еліміздің батысында, солтүстік-батысында жауын-шашынсыз күн райы сақталады. Елдің солтүстігінде және солтүстік-батысында тұман күтіледі.
Оңтүстік Қазақстан, Жамбыл, Шығыс Қазақстан облыстарының кей жерлерінде бұршақ жауып, дауыл тұрады.
Ақмола, Қарағанды, Алматы, күндіз Солтүстік Қазақстан облыстарының кей жерлерінде желдің екпіні 15-20 м/с дейін күшейіп, бұршақ жауып, дауыл тұрады.
Қызылорда, Маңғыстау, түнде Атырау облыстарының кей аймақтарында да қатты жел тұрады, Қызылорда облысында шаңды дауыл болады.
Сондай-ақ Алматы облысы, Қызылорда, Атырау, Оңтүстік Қазақстан, Жамбыл, Батыс Қазақстан, Ақтөбе, Қарағанды облыстарының кей жерлерінде жоғары өрт қаупі сақталады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе