Бейсенбі, 15-наурызда атмосфералық ағындардың өтуіне байланысты Қазақстанның басым бөлігінде құбылмалы ауа-райы сақталады, деп хабарлайды Қазгидрометке сілтеме жасаған Қазақпарат.
Синоптиктердің болжауынша, кей жерлерде жауын-шашын түсіп, оңтүстіктің кей жерлерінде қатты нөсер жауады. Тек батыста күн райы ашық болады.
Солтүстік Қазақстан облысының кей жерлерінде тұман, көктайғақ, жаяу бұрқасын соғып, желдің екпіні 15-20 м/с-ге жетеді.
Жамбыл, Оңтүстік Қазақстан, Қызылорда Шығыс Қазақстан облыстарының кей жерлерінде тұман түеді, көктайғақ болады, желдің жылдамдығы 15-20, Жамбыл облысында күндіз желдің екпіні 23 м/с.
Қостанай облысының кей жерлерінде тұман түседі, күндіз жел 15-20 м/с-ге күшейеді.
Маңғыстау, күндіз Атырау облыстарының кей жерлерінде жел жылдамдығы 15-20 м/с-ге жетеді.
Қарағанды облысының кей жерлерінде тұман, түнде көктайғақ күтіледі.
Ақмола, Алматы, Батыс Қазақстан облыстарының кей жерлерінде тұман түседі.
Қостанай облысының кей жерлерінде тұман түсіп, жаяу бұрқасын соғады, жел 15-20 м/с-ге жетіп, күшеюі ықтимал.