Британияда коронавирустың кесірінен қаңырап қалған қаланы жабайы таутекелер «басып алған»
Ұлыбританиядағы Лландидно атты шағын қаланы жабайы тау текелер «басып алған». Жануарлар ешкімнен қорықпай қала көшелерін кезіп жүр, гүлзарлардағы шөпті жеп, жергілікті тұрғындардың ауласында демалуда.
Wales Online хабарлауынша текелер қалаға Ұлы Орм мүйісінен түсіп келген. Жергілікті халық бұған дейін де бұл жануарлардың қаланың шет жағында жүретінін байқаған, олар адамдардан қорқып орталық аудандарға келе алмаған екен. Қазір пандемия мен карантин өршіп тұрған сәтте, жол ашық, көшелер бос. Осындай жағдайды пайдаланып, текелер батыл шешімге барған болса керек.
Көбінесе текелерді жеуге жарамды шөбі бар гүлзарлар мен бұталардың жанынан көруге болады. Жануарлар бос қалған қалада емін-еркін жайылып, ағаштардың бұталарын жеп, газондарды таптап, гүлдерді құртып жатыр. Бұған қарамасан, қала тұрғындары өз көшелеріндегі бұндай шақырылмаған қонақтарды көргеніне риза. Олар тіпті бұдан келген зиянды ойлап та жатқан жоқ.
«Менің ойымша, көптеген қалада тұратын адамдар оларды үйлерінің жанынан көріп қуануда. Мейлі гүлдерін жеп кетсе де, оларды жақыннан көре алды», —
дейді жергілікті тұрғын.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз