Бозымбаев Астанада газдың бағасы қанша болатынын айтты
Бүгін Энергетика министрі бас қалаға жеткізілуі тиіс көгілдір отынның құны қанша болатынын мәлімдеді. Қанат Бозымбаевтың айтуынша, оның текше метрі үшін елордалықтар 44-50 теңгенің шамасында төлейді.
Бұл туралы КТК арнасы хабарлайды.
Бұл Қазақстан бойынша ең жоғары тариф. Ал, өзге аймақтарда газдың орташа құны 30-35 теңгені құрайды. Десе де, көгілдір отын бас қалаға «Сарыарқа» құбыры арқылы келесі жылдың аяғында бірақ жеткізіледі. Құбыр Қызылорда-Жезқазған-Теміртау-Қарағанды арқылы тартылып, Елордаға дейін жетпек.
“Астана қаласының әкімдігі магистральды газ құбыры мен аймақтық желілер құрылысын ескере отырып, инфрақұрылым құрылысы үшін жол картасын әзірледі. Елорда тұрғындары үшін газды ең алдымен Көктал Железнодорожный, Юго-Восток аудандарына тартылады. Және бірінші, екінші, үшінші жылу электр стансаларына жеткізу жоспарлануда”, деді Бозымбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе