“Бойында бір қорқыныш бар”. Танымал нумеролог Қайрат туралы не дейді?
Клара Күзденбаева деген нумеролог бар. Қазақшасы бақсы, балгер, сәуегей дегенге саяды. Осы нумеролог еліміздегі ең танымал әнші Қайрат Нұртастың болашағын болжап, жеке өмірі туралы айтып беріпті.
Бұл туралы 31 арнаның «Айта берсін» бағдарламасында айтылды.
Клара Күзденбаева айтуынша, Қайрат өте сезімтал, адал әрі анасына жақын адам. Сәуегейдің сөзіне қарағанда, Қайрат осы жетістікке анасының арқасында жетті. Қайраттың жетелеп жүрген анасы.
“Қазір Қайраттың жасы 27-де, соған қарамай, ол көп жылдан бері танымал. Бұл дегеніңіз – оған анасы дұрыс тәрбие берген деген сөз”, – дейді Клара Күзденбаева.
“Ол өте ақылды жігіт. Адам талғайды. Оған әркіммен бір әңгімелескен қызық емес”, – деп мәлімдеді Күзденбаева.
Тыңдармандардың әншінің жеке өмірінен хабарсыз болуын нумеролог оның өте сақ екендігімен түсіндіреді.
“Оның жеке өмірі туралы ақпарат неге мардымсыз, қалай ойлайсыз? Себебі, ол тым сақ, сосын Қайратта бір қорқыныш бар. Ол өзінің әлеміне, отбасына бөтен адамдарды кіргізгісі келмейді. Ол бір жағынан дұрыс та”, – деп сөзін түйіндеген Клара Күзденбаева.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе