Еліміздегі ұлттық компаниялар мен мемлекет иелігіндегі xолдингтер жаңажылдық корпоративтер кештерін өткізуден бас татуда, – деп хабарлайды Қазақпарат.
Бұл турасында Orda FM арнасындағы “Лига Джентльменов” шоуының радиожүргізушісі, танымал шоумен Азамат Имашев айтып берді.
Азамат Имашев қазіргі уақытта қоғамымыз үшін жаңа жылдық кештер емес, тәуелсіздігіміздің мерейтойы маңызды екенін, сондықтан бар күшті тәуелсіздігімізді тойлауға жұмсап жатқандарын айтады. “Самұрық-Қазына”, “Қазақстан Темір Жолы”, “ҚазМұнайГаз” компаниялары да жаңа жылдық кештерді жасаудан бас тартқандарын мәлімдеді.
“Жеке компаниялар ұжымы қазірден қамданып жатыр. 23-24 желтоқсан күндері ерекше сұранысқа ие. Мейрамхналардың басым бөлігі орындарын сатып үлгерді.
Алайда ол орындарды сатып алған тек жеке меншік компаниялар ғана екенін атап өткім келеді”, – деп атап өтті танымал шоумен.
Дегенмен олардың өзі дағдарыс кезінде көп шығынға батпай-ақ, мейрамды арзанға өткізуге тырысады екен.
“Жаңа жылдық корпоративті өткізу шамамен 300 мың теңгеден басталады. Қазір әртістері шақыру да азайды.
Бұрынғыдай мейрамды белгілі бір тақырыпқа арнап, Голливуд мәнерінде ұйымдастыру өзекті емес. Биыл желтоқсанға әртіс жалдаған компаниялар мүлдем жоқ. Әр компанияда өздерінің таланттары бар.
Бөлім қызметкерлері жеке-жеке сценарий дайындап, бірі ән айтса, екіншісі музыкалық аспаптарда ойнайды, енді келесілері күлкілі қойылым ұйымдастырады”, – деп түйді сөзін Азамат Имашев.