Бүгінгі күннің ащы шындықтарының бірі — ол иісі қазақтың көркем әдебиетті, яғни кітап оқуды қоюы. Неге?
Кезіндегі кеңес заманындағыдай іздеп жүріп кітап оқу келмеске кеткен. Қазір кітапты үйдегі теледидар мен ғаламтор айырбастаған. Жұртқа керегі —
кітап оқығаннан гөрі, үйде отырып алып компьютер қарау, көшеде келе жатып ұялы телефоннан әлеуметтік желілерді ақтарып, бар қызықты содан іздеу әлдеқайда қызық секілді.
Рас, төрткіл дүниеде болып жатқан бар жаңалық, бар қызық ғаламторда тұнып тұр. Іздегеніңді табасың.
Бірақ үйде жайланып отырып\жатып алып кітап оқудың қызығы бөлек еді ғой?
Әлде, біздің жазушылар жұртты қызықтыратын шығармалар жаза алмай жүр ме?
https://kaz.365info.kz/ynty-yp-kelip-sti-e-erkek-shy-anda-yatsyz-a-yn-kim-eken-246629
Мұның мәнін белгілі жазушы Дулат Исабеков былай түсіндіреді:
— «Кезінде жұрт кітап дүкендерін аралап жүріп керегін алатын. Кітап жинайтын. Оқырман көп еді. Ол кездегі байлық — кітап жию болды.
Баяғыда кітап арзан еді. Ең мықты деген кітаптың өзі 1-2 сомнан аспайтын. Қазір кітап бағасы қымбат. Ал табысы шамалы адам кітап ала ма, әлде қаржысын бала-шағасын асырауға жұмсай ма? Осылайша оқырман азайып кетті. Кітап оқымаған жұрт бүгінгі қолына қалам ұстап, әдебиет майданында жүргендерді тани бермейді. Бұл — трагедия!».
Жазушының айтқанымен келіспеске амал жоқ. Шындығы осы.
https://kaz.365info.kz/zha-ynsa-osylaj-zha-yn-nou-hau-jeldi-nou-hau-komplimenti-231212
Азамат Рысбек