Биыл наурызда Алматы облысында екі жаңа аудан пайда болады
Биыл Алматы облысындағы бір ірі аудан екіге бөлінетін болады.
Облыс әкімі Амандық Баталовтың халықпен өткізген кездесуі барысында тұрғындар тым үлкен Райымбек ауданын бөлек екі аудан ету мәселесін көтеріпті.
«Біз облыстық әкімдік пен мәслихат деңгейінде ондай шешім қабылдап, ұсынысымызды республикаға жібердік. Бәрін есептедік. Алдын-ала есеп бойынша, оған 2,4 млрд теңге керек, оның 800 млн теңгесі — жергілікті бюджеттен. Арнайы комиссия мемлекеттік мекемелерге қандай ғимараттар қажет екенін анықтады. Қазір олардың жобалары жасалуда. Астанада президенттің қатысуымен өткен кеңесте
аудан орталығы Кегенде болатын Кеген ауданы мен орталығы Нарынқол болатын Райымбек ауданын құру туралы шешім қабылданды.
Менің білуімше, Мемлекет басшысының осыған байланысты Жарлығы не ақпан айының соңында, не наурызда шығуы тиіс», — деп түсіндірді облыс басшысы.
inform.kz
https://kaz.365info.kz/s-p-s-jkimdi-eken-bolat-nazarbaevty-zh-bajy-turaly-ne-bilemiz-238301
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе