Turkish Airlines әуе компаниясының ұшағы Бішкектегі Манас әуежайының маңында құлауы салдарынан мерт болғандар саны 32 адамға жетті.
Бұл туралы Қырғыз Республикасы денсаулық сақтау министрі Талантбек Батыралиевтің мәлімдемесіне сілтеме жасап, «24.kg» хабарлады.
“Қаза болғандар мен зардап шеккендер туралы ақпарат мұнымен нақтыланған жоқ”, – дейді қырғыздың денсаулық сақтау министрлігінің өкілі.
Бүгін Бішкекте жеке үй секторына түріктің жүк ұшағы құлаған. Алдында 16 адам қаза тапты деп хабарланған. Ұшақ құлаған соң алапат өрт орын алған, сондықтан дәрігерлер оқиға орнында адамдарға көмектесе алмаған. Қазіргі кезде өрттің ауыздықталғаны хабарланды.