«Біріңғай жинақтаушы зейнетақы қоры» басшыларының қамауға алынғаны белгілі болды. Дегенмен, Ұлттық банктегілер олардың аты-жөндерін атаған жоқ.
Белгілісі, Бірыңғай жинақтаушы зейнетақы қоры басқармасының төрағасы Руслан Ерденаев, және оның екі орынбасары ұсталған деп хабарлады құқық қорғау органдарындағы дерек көзге сілтеме жасап, КТК телеарнасы.
Жалпы, Ерденаевтың екі орынбасары бар: Сәуле Дүйсенова және Дабыр Медетбеков. Әзірге, осы екеуінің қайсы ұсталғаны белгісіз болып отыр.
Ерденаев Руслан Серікұлы 1977 жылы туылған. Ол Мәскеудегі Плеханов атындағы Ресей экономикалық академиясында оқып, экономист мамандығын алған.
Естеріңізге салсақ, Жаңа жылдың алдында ғана «Бузгул-Аурум» компаниясының құнды қағаздарын сатып аламыз деп, бастары бәлеге қалған. 5 миллиард теңгені мақсатсыз жұмсады деп айыпталғандардың ісімен Ұлттық қауіпсіздік комитеті айналысып жатыр. Алайда, Ұлттық банк өкілдері жұмсалған ақша жұрттың зейнетақысы емес, қордың өз ақшасы деп сендіруге тырысуда.
Негізі, жаппай тексеруге де осы бас банктің шағымы түрткі болған екен.