“Білдіртпеймін”. Мұрат Қожаның бірінші әйелі қандай сырын айтты? (фото)
Жуырда ғана Мұрат Қожаның жас келіншегі әншіге қыз сыйлады. Әнші осымен төртінші қыздың әкесі атанды. Бұған дейін халық Мұрат Қожаны бұрынғы әйелі мен үш бірдей қызын тастап кеткені үшін талай сынаған да еді.
Бұл туралы Stan.kz хабарлайды.
Айман Нұразхан ішкі жан-жарасын ешкімге білдіртпейді. Үш қызымен жалғыз қалған ол ел алдына шығып, мұңын да айтқан емес. Жуырда Айман 31 арнаның «Айта берсін» бағдарламасында алғаш рет үш қызын көрсетіп, олар туралы әңгімелеп берген еді.
«Үш тал гүл қыздарым. Үлкені – Іңкәр 13 жаста, ортаншым – Арай 12 жаста, екеуі де №173 физика-математика мектеп-лицейінде оқиды, кенже қызымыз Ажар К.Байсейтіова атындағы мектептің скрипка сыныбында 2-сыныпта оқиды», – дейді Айман Нұразхан.
https://kaz.365info.kz/andaj-s-lu-m-rat-ozha-z-jeline-zi-tamsanyp-zh-r-235541
Иә, әкелері бақытын басқадан тапқан үш қыз аналарымен бірге тұрып келеді. Бүгінде Айман ханым олардың тәрбиесіне барынша қаталдықпен қарауға тырысатын көрінеді. Ал оның еркелері бос уақыттарын текке өткізбейді екен.
«Атасы газет-журналдарға жаздырып қойған. Ай сайын, апта сайын «Ұлан» газеті, «Балдырған», «Ақ желкен» журналдары келеді. Сол газет-журналдарды оқып, өсіп келе жатқан қыздар. Газет-журналға өздерінің қызығушылықтары болмаса да, оқытқызамыз. Қыздарыма өте қаталмын, еркелетемін, әрине.
Қаталдық жағы барлық жағынан байқалады. Қыздардың жүріс-тұрысына, киім, шаш үлгісіне қатты қараймын. Менімен ақылдасып отырады. Төртеумізде былай айтқанда – «тандем», – деп ағынан жарылды Айман Нұразхан.
https://kaz.365info.kz/solaj-bop-khaldy-myrat-khozha-algashkhy-nekesinin-nege-satsiz-ayakhtalganyn-tysindirdi-257182
Анасы қатал болғанымен, үш қызды ата-әжесі мен нағашылары еркелететін көрінеді.
«Олар ананы, мынаны алып бер деген сайын олардың еріктеріне көп жүре бермейміз. Бірақ атасы мен апасы, менің екі бауырым өте қатты еркелетеді. Менің үш қызымның сөздері – заң. Жан-жақтан еркелетеді, алып бер деген заттарын алып береді. Ол жағынан маған қиын емес», – дейді үш қыздың анасы.
Қайсар мінезді ару жан-жарасы сыздаса да, алғаш рет қыздарын көрсетіп, ойын ашық айтты.
«Бұл сұхбатты әркім әрқалай қабылдауы мүмкін. Менің сұхбатқа келісуімнің мақсаты – жұрт көзінен жасырып жүрерлік жаман сырым жоқ. Қыздарымның беті ашық болсын», – деді ол.
Сөз соңында, Мұрат Қожаның экс-жұбайы үлкен екі қызының ерте есейгенін, олармен құрбылардай сырласатынын айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе