Бердымұхамедов сайлаудағы қарсыласының қызметін өсірді
Түркіменстан президенті Гурбангұлы Бердымұхамедов бұрынғы қарсыласын жоғары қызметке тағайындады. Түркімен ақпарат құралдарының хабарлауынша, 12 ақпандағы президенттік сайлауда екінші орын алған Мақсат Аннанепесов Түркіменстанның мемлекеттік тамақ өнеркәсібі бірлестігінің төрағасы болып тағайындалды.
Аннанепесовты президенттікке үміткер ретінде бастамашыл топ ұсынған еді. Сол кезде ол бірлестік төрағасының орынбасары еді. Сайлауда ол 1,02 пайыз дауыспен екінші орын алды.
Қазіргі президенттің қалған жеті қарсыласы бір пайыздан аз дауыс жинады. Олардың қызметтегі мансаптары туралы әзірге мәлімет жоқ, бірақ жауапты қызметтерге тағайындалуы мүмкін деген болжам бар.
Түркіменстанды 2007 жылдан бері басқарып келе жатқан Бердымұхамедов жақында өткен президенттік сайлауда 97,69 пайыз дауыс жинаған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз