“Бекер алдым…”. Алматы облысында мектеп директоры мен мұғалім сотталды
Алматы облысында пара алған мектеп директоры мен мұғалім 3, 5 жылға сотталды.
Бұл туралы ҚазАқпарат хабарлады.
Іле аудандық соты Чапаев ауылындағы мектептің экс-директоры Б. мен Жапек батыр ауылының бұрынғы мұғалімі А.-ны ҚР Қылмыстық кодексінің 24-бабы 3-бөлігі және 366-бабы 2-бөлігі бойынша кінәлі деп таныды. Іс материалына сәйкес, мектеп директоры педагогты жұмысқа қабылдау үшін 160 мың теңге пара алған. Ол бұл қомақты қаржыны Жапек батыр ауылының өзге мұғалімі арқылы алғаны анықталды.
Сот шешіміне сәйкес, сотталушылар мемлекеттік қызметте жұмыс істеу құқығынан өмір бойына айырылды.
«Сондай-ақ сот үкімімен Б. мен А. кінәлі деп танылып, 3 жыл 5 айға бас бостандықтарынан айырылды. Олардың дүние-мүлкі тәркіленбейді. Үкім заңды күшіне енген жоқ», – делінген Алматы облыстық сотының хабарламасында.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз