Бейрутте жарылыс болардан бірнеше секунд бұрын түсірілген үйлену тойға дайындықтың видеосы
Желіде Бейруттегі жарылыстан бірнеше минут бұрын түсірілген үйлену тойына дайындықтың видеосы жарияланды.
Исраа Себлани атты қалыңдық қала алаңының ортасында ұзын ақ көйлек киіп, видео түсірілімге түсіп жатқан еді.
Алайда бірнеше секунд өткеннен кейін ғимараттардың терезесін сындырған қатты жарылыс естіледі. Қалыңдықты тез арада қауіпсіз жерге алып кетті. Жарылыстан кейін үйлену тойының фотографы Махмуд Накиб алаңға не болғанын көрсетті.
Ливан премьер-министрі Хасан Диабтің айтуынша, 2 750 тонна аммиак селитрасының дұрыс сақталмауы жарылысқа себеп болған. Жақын маңдағы, сондай-ақ жарылыс орнынан бірнеше шақырым радиуста орналасқан ғимараттардың әйнектері сынған, ғимараттардың бір бөлігі қираған. Үкімет Бейрут портының бірнеше шенеуніктерін үйде қамауға алуды бұйырды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе