“Бейнекамераға түсіп қалған”. Жыл басынан бері 33 мың ұсақ-түйек заң бұзу анықталған
Үстіміздегі жылы Алматыда бейнекамералардың көмегімен 33 мыңдай ұсақ құқықбұзушылықтар анықталды. Сондай-ақ Жергілікті полиция қызметінен хабарлағандай, көшедегі құқықбұзушылықтардың алдын алуға қалада орнатылған бейнебақылау жүйелері нақты көмек көрсетеді.
«Қазір қалада барлығы 74 мың 490 бейнекамера жұмыс істейді. Оның ішінде «Қауіпсіз аула» принципі бойынша 7 мың аулаға 68 мың бейнекамера орнатылған. Оған қоса әртүрлі меншік формасындағы 7 мың объектіде 36 мың камера бар. Осының бәрі ең соңында қаладағы құқықтық тәртіп пен қауіпсіздік мәселелерін шешуге ыңғайлы жағдай қалыптастырады. Үстіміздегі жылы бейнекамералардың көмегімен 1 мың 357 қылмыс ашылып, 34 мың 290 әкімшілік құқықбұзушылықтар мен 32 мың 997 Жол қауіпсіздігі ережесін бұзу оқиғасы анықталды»,- деп хабарлады қалалық Жергілікті полиция қызметі.
Гүлнар Жаманқұлова,
Алматы қаласының ІІД Баспасөз-қызметі
Four security cameras on blue sky
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе