Баян Есентаеваның әрекетін қазақ қоғамы түсіне алмай дал. Турасын айтқанда, ол қайта-қайта телевидениеге шығып, неге өз артын өзі аша береді?
Бұл сауалға психолог маман Анна Құдиярова жауап берді деп хабарлады “Караван” басылымы.
– Мен бірден айтайын, бұл – гипотеза. Баян Есентаева – шоу бизнес адамы. Ол үнемі көпшіліктің ортасында жүріп, көптің назарына ілініп үйреніп қалған адам. Мұны ұмытпалық. Егер халыққа кімнің кіммен төсектес болатыны қызық болса, жұлдыздар осыған сай ақпарат таратады.
Әрине, бұл – пиар. Егер ол жеке өмірін қоғамнан жасырып, өз жарасын өзі емдегісі келсе, бұлай болмайтын еді.
Пиарды Баянның өзі жасап жатыр немесе оның пиар бойынша мықты мамандары бар. Егер осының барлығын Баянның өзі ұйымдастырып жатса, жарап тұр. Мен оған жоғары баға берер едім. Өйткені ол күйеуімен болған оқиғадан кейін үлкен соққы алды. Кез келген адам ажырасу кезінде күйзеліске түседі. Ал бұл жерде ол физикалық соққыға да, психологиялық соққыға да ұшырап отыр. Оған қоса, Есентаевқа қатысты сот ісі жұрт алдында талқыланды. Сол себепті, ол қазір кез келген тәсілдің көмегімен тәні мен жанын емдеп, өзінің бұрынғы беделін қалпына келтіруге тырысуда.
Шыны керек, мұндай жағдайда көп адам мүжіліп, өзін тастап жібереді.
Бірақ, Баян мықты екен…”, – дейді психолог.