Баян Есентаева ҚР Жоғарғы сотына бас бостандығынан айырылған бұрынғы күйеуі Бақытбек Есентаевқа қатысты шыққан үкімді өзгерту туралы өтініш жазды.
Бұл туралы Жоғарғы соттың редакцияның ресми сауалына берген жауабында айтылады, – деп хабарлайды Tengrinews.kz.
“Сотталған Бақытбек Есентаевтың адвокатынан және жәбірленуші Баян Есентаевадан Қазақстан Республикасының Жоғарғы сотына кассациялық тәртіпте сот актілерін қайта қарау туралы өтініш келіп түсті”, – делінген ресми жауапта.
Еске салайық, 10-маусымда Баян Мақсатқызы Талғар ауруханасына бассүйек ми жарақаты, пышақ жарақаты және мұрынның сынуы диагнозымен түскен болатын. Оны күйеуі Бақытбек Есентаев ұрып-соққан. Бұл оқиға Құлжа тас жолында болған. Ал өткен жылдың қарашасында Есентаев 9 жылға бас бостандығынан айырылған еді.