Баяғы «Урал» мотоциклі енді Евро-5 моторымен шықты
Бұл мотоциклдерді экспорттау мүмкіндігін сақтап қалу үшін орыс инженерлері оның қозғалтқышын жаңартуға бір жылдай уақыт жұмсаған екен.
Ресейдегі Ирбит мотоцикл зауыты (ИМЗ) «Урал» мотоциклдерін жаңарта бастады. Сыртқы пішіні сол баяғы, бірақ моторы басқа болады. Енді «уралдардың» моторы Евро-5 экологиялық санатына сай болады. Жаңа мотордың көлемі 750 текшелік, 41 аттың күшін береді.
Айта кетсек, «Урал» мотоциклдері тым қымбат болғандықтан, ол Ресейде көп сатылмайды. Мысалы,
Қазақстанда да оның бағасы 1,5 млн теңгеден басталады. Әйтсе де, 2017 жылы Қазақстанда 69 дана жаңа «Урал» тіркеуге қойылған екен.
- «Урал» негізінен Еуропа, Азия, Австралия, Африка, Оңтүстік және Солтүстік Америкада сатылады.
- Тарихы 1960 жылдан басталатын бұл мотоциклге шетелде сұраныс жоғары, оны мінуге танымал жұлдыздар да құмар.
Мысалы, атақты актер Бред Питтің де өз «Уралы» бар.
kolesa.kz ақпаратын аудара салдық
https://kaz.365info.kz/mototsikl-mingen-bir-khyz-almatyda-auyr-apat-zhasady-foto-278356
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе