Батыс Қазақстанда биыл мектеп бітірген қызды өлтіріп кетті
Батыс Қазақстан облысы Зеленов ауданының Дарьинск елді мекенінде 11-сыныпты бітірген қызды өлтіріп кетті.
Қылмыс 28 шілдеге қараған түні жасалған. Қыздың жансыз денесін “Аққу” дәмханасының маңынан өтіп бара жатқан адамдар тауып алған.
Ауыл тұрғындары қаза тапқан қыз Дарьинск елді мекенінде тұратынын, биыл мектеп бітіргенін хабарлады.
Аудан әкімшілігі “Мой город” сайтына кісі өлтіру дерегін растады.
“17 жастағы қыз көз жұмды. Құқық қорғау органдары жұмыс істеп жатыр”, — деп нақтылады Зеленов ауданының әкімі Асхат Шахаров.
Аудан әкімдігі басшысының айтуынша, оқиға орнына Батыс Қазақстан облысы ішкі істер департаменті басшысының орынбасары барған.
Сонымен бірге күдіктілер ұсталған-ұсталмағаны хабарланбай отыр, сондай-ақ жасөспірімнің қалай өлтірілгені де белгісіз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе