“Басымнан ұрды…”. Шымкенттік таксист өзін басынған полицейді сотқа бермек
Шымкенттегі қалааралық такси жүргізушісі Дархан Ділдашбековтың сөзінше, ол Темірлан тас жолында тұрған кезде, полиция қызметкерлері келіп, құжаттарын көрсетуін сұраған.
Өз кезегінде Дархан олардан тексеріс себебін сұрапты. Алайда олар жауап бермей өз бұйрығына бағынбаған жүргізушіні көліктен сүйреп шығарып, буындырып, басынан ұрған деп хабарлайды жергілікті телеарна ТVK.
«Полицейлердің бірі менен көліктің кілтін алып алды. Мұнан кейін қызметтік көлікке отыруымды бұйырды. Мен бас тартқаннан кейін, олар маған күш көрсете бастады. Олар мені буындырып, басымнан ұрды. Мен есімнен танып қалдым. Мұнан кейін Громов көшесіндегі айыппұл тұрағында есімді жидым», – дейді Дархан Ділдашбеков.
Тәртіп сақшыларының сөзінше, жол ережесін бұзған жүргізушіге қатысты бірнеше әкімшілік хаттама толтырылған.
Ал Дархан Ділдашбаев абайлық полиция бөліміне өзін ұстаған полицейлердің үстінен арыз жазған. Сонымен қатар ол полиция қызметкерлерінің әрекетіне дұрыс баға берілуі үшін прокуратураға жүгінбек.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе