Бақытжан Базарбек: «Алматыда сүрілу керек үй ипотекаға сатылып кеткен»
Алматыдағы «Швейцария» тұрғын үй кешені бойынша мәжіліс депутаты Бақытжан Базарбек шағымданды. Оның айтуынша, «Отбасы банк» сот шешіміне қарамастан сүрілу керек болған үйге ипотека берген.
Бақытжан Базарбектің тұрғын үй кешендерін бұзу туралы сот шешімі шыққанына қарамастан, кейбір үйлер әлі сүрілмегеніне таңғалып отыр. Сонымен қатар депутаттың уәжінше, Отбасы банкі осындай кешендердің бірінде азаматтарға ипотека беруді жалғастырған.
«Құрылыс салушыға қатысты қылмыстық іс 2022 жылы қозғалған, ал 2023 жылы «Швейцария» тұрғын үй кешенін сүруге жіберу туралы сот шешімі шыққан. Бірақ Отбасы банкі сол уақытта да азаматтармен келісімшарттар жасап, кешеннен пәтер сатып алу үшін несие берген. Бұл әрекеттерден 50-ден астам азамат зардап шекті. Қазір банк қызметкерлері неге тергеу изоляторында емес?», – деді наразы депутат.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе