БАҚ туралы жаңа Заң таныстырылды

«Министрлік талқылау кезінде айтылған 200-ден астам ұсыныстың 70 пайызын ескерді. Олар заң жобасына енгізілді. Бұдан бөлек, Премьер-министр кеңсесінің бөлімдерінен келіп түскен ескертулер де назарға алынды. Заң жобасы шеңберінде 12 заң мен 4 кодекске, 250-ге жуық түзетулер мен толықтырулар енгізуді жоспарлап отырмыз. Ендігі кезекте аталмыш заң жобасында қамтылатын негізгі өзгерістерге тоқталып өтейін», – деді министр.

Осы орайда ол жаңа БАҚ туралы заңда балалардың құқығын қорғау мәселесі де енгізілгендігін алға тартты.

«Заңда ақпараттық кеңістікте балалардың құқығын қорғау көзделген. Осы мақсатта келесі новеллалар енгізілді. Зорлық-зомбылықтың зардабын тартқан балалардың фотосы және оған қатысты деректерді оның және заңды өкілдерінің рұқсатынсыз пайдаланбау. Балалар мен білім беруге бағытталған телебағдарламалардың заң тұрғысынан анықтамасын беру. Сондай-ақ, БАҚ азаматтың рұқсатынсыз оның суретін пайдалана алады», – деді ол.

Сонымен қатар, Абаев аталмыш құжат БАҚ жұмысының жеңілдете түсетіндігін айтты.

«Екіншіден, заң жобасына БАҚ түсетін жүктемені азайту көзделген. Яғни ұсақ заң бұзушылық бойынша БАҚ-тың жұмысын тоқтата тұру, тиражды тәркілеу деген нормаларды алып тастау ұсынылып отыр. Баспасөз басылымы өкілетті органға міндендетті анықтаманы электронды түрде беруге міндетті. Үшіншіден, БАҚ пен мемлекет арасындағы байланысты жақсарту үшін «ресми хабар беру» деген түсінік ензуді жоспарлап отырмыз», – деген министр заң жобасы Парламенттің қарауына енгізуге толықтай дайын екенін алға тартты.