Бәйшешекті жұлғаны үшін үш азамат айыпталды
Тәжікстанның экологиялық милициясы бәйшешекті заңсыз теріп, сатқаны үшін үш азаматқа қарсы іс қозғады. Олар “жоғалып бара жатқан өсімдіктерді жоймақ болды” деп айыпталады.
Тәжікстанда сияхгуш немесе бәйшешек ақпан айының ортасында пайда болады. Бұл көктемнің жақындағанын білдіреді. Кейбір тұрғындар дала гүлін жұлып, базарларда немесе көшелерде сатады. Экология милициясы қызметкерлерінің айтуынша, бәйшешекті бизнеске айналдырушылар саны жылдан жылға көбейген. Олар үш тал бәйшешекті 5 сомониға сатады.
«Біз бәйшешек гүлдейтін маусымда рейдке шығамыз. Олармен әңгіме жүргіземіз. Бірақ одан нәтиже шығар емес. Дала гүлін терушілердің көбі жас балалар. Оларды әкімшілік жазаға тарту қиын. Олар гүлді сатып, үйге нан аламыз деп жауап беріп жатады», – дейді Тәжікстанның қоршаған ортаны қорғау комитетінің өкілі Абдукодирхон Маскаев.
Сияхгуш немесе бәйшешек Тәжікстанда жоғалып бара жатқан дала өсімдігі ретінде Қызыл кітапқа енгізілген. Гүлді заңсыз жұлғандарға 500-ден 5 мың сомониға дейін айыппұл салынады.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз