Байбек мырза, бұл қалай? Алматы әкімдігінің Тәуелсіздіктің 25 жылдығына түкіргені бар ма?
Алматы Тәуелсіздіктің бастауында тұрған қала еді. Ал қазір ше? Мұны кім елеп-ескеріп жатыр? Қазаққа қай мереке қымбат? Тәуелсіздікті бұрын тойларымыз белгілі, ендеше, Жаңа жылға неменеге асығамыз?
Айтылмай жатқан жоқ. Айтып та, жазып та жатқан да жайымыз бар. Жұрт құлағына жетіп жатқан шығар. Алайда биліктің ойына да кіріп шықпайтын сияқты. Кірсе де, шығып кетеді. Желтоқсан бастала сала тағы да Жаңа жылға дайындық басталып кетті. Өзге өңірлерді қойшы, Алматыға не жорық? Қала әкімі Алматының Республика алаңындағы ғимараттың қақ төбесінде жазылып тұрған Елбасының „Алматы тәуелсіздіктің алтын бесігі„ деген жалынды сөзді неге көрмейді?
Тәуелсіздік Алматыдан басталған еді ғой. Алматы әкімдігі мұны қалай ұмытты?
Журналист Өміржан Әбдіхалық біздің көкейімізде жүрген дүниені дөп басқан екен. Ол не дейді?
“1 желтосқаннан бастап, қалада жаңа жылдық безендірулер жасау” туралы әкімдік барлық жерге нұсқау беріпті дейді. Демек, Тәуелсіздіктің 25 жылдығына әкімдіктің түкіргені бар. Әкімдіктің мұндай әрекетін басқаша түсіну мүмкін емес!
25 жылдық өткенше қоя тұруға, шыдай тұруға болмай ма?
Не себепті, қандай негізге сүйеніп Тәуелсіздік мерекесі өтпей, 1 желтоқсаннан бастап жаңа жылдық безендіру шараларына нұсқау бердіңіздер? Осыған жауап берсеңіздер!” деп жазыпты журналист өзінің әлеуметтік желідегі парақшасында.
Бұған Байбек мырза не деп жауап берер екен?..
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе