Алматы қаласының «Астана» алаңында Алматы облысының барлық аудан, қалаларының және «Жетісу» әлеуметтік кәсіпкерлік корпорациясының қатысуымен кеңейтілген ауыл шаруашылығы жәрмеңкесі өтті.
Жәрмеңкеде облыстың тауар өндірушілері сапалы әрі экологиялық таза өнімдерден 360 тонна азық-түлік саудалады, деп хабарлайды Алматы облысы әкімінің баспасөз қызметі.
Жалпы, жәрмеңке Алматы қаласы маңында азық-түлік белдеуін дамыту мақсатында, сондай-ақ бағаны тұрақтандыру мен азық-түлік қауіпсіздігін қамтамасыз ету үшін жыл сайын тұрақты түрде ұйымдастырылады.
Қала тұрғындары тағамдардың жоғары сапалылығы мен нарық бағасынан төмен саудаланған құнына ризашылықтарын білдірді.
Жәрмеңкеде облыс өнерпаздарының концерті ұсынылды.