Әрине, бүгінгі таңда хит әндердің орындаушылары кез келген тойдың қалаулы қонақтары. Сонымен қатар әртістің беделі мен абыройына да көп мән беріледі. Көрермен оның бәрін жіті бақылап, қадағалайтынын ұмытпау керек. Отбасылық жағдайы да соңғы орында емес болып шықты.
Ұзатылатын қыздың ата-анасының пікірінше, егер оны отбасылы әйел ұзатса, олардың қызы міндетті түрде бақытты болады. Ал ажырасқан әйелдерге бұл салтты сеніп тапсыра алмайтын көрінеді. Отбасылық өмірі ажырасумен аяқталған әртістерді үйлену тойына аз шақырады және баланың тұсауын кесу мәртебесін ұсынбайды.
“Ажырасқан әншілерді шақырғымыз келмейді. Сіз сияқты үлгілі отбасын құрған адамды көргіміз келеді” дегенді есту маған да ұнамайды. Адамның тағдырын бизнеске айналдыруға болмайды ғой”, — дейді Жазира Байырбекова.