“Азаматым-ай!”. Шавкат-ака Атамбаевтың 14 жыл көрмеген ағасын тауып берді
Қырғызстан президенті Алмазбек Атамбаев өзбек әріптесі Шавкат Мирзиеевты ССРО құлағаннан кейін Өзбекстанға кеткен ағасын табуға көмектескені үшін алғысын білдірді.
«Менің ағам Совет Одағы құлағаннан кейін Өзбекстанға көшіп кетті. Ол Өзбекстанның бір қаласында қарапайым мұғалім болып қызмет етті. Мен оны 14 жыл бойында көрмедім», – деді Атамбаев Самарқанда кездесу кезінде.
Атамбаевтың сөздерінше, 2007 жылдары екі президент те елдерінің үкімет басшылары болған екен. «Бізде нағыз бауырлардай достық және екі елдің қарым-қатынасы да нағыз бауырлардай болуға тиіс», – деп атап өтті президент.
Екі ел лидерлерінің келіссөзі Самарқандағы «Форумлар мажмуаси» сарайында өтті. Мемлекет басшылары саяси диалог пен экономикалық қарым-қатынасты дамыту мәселелері мен халықаралық тақырыптарды талқылады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе