Қазақстанда тегін жер теліміне үміткерлердің бірыңғай базасы құрылады

Жаңа бағдарлама министрлік бағыты бойынша ауыл шаруашылығы өнімдері мен азық-түлік өндірісіне қолдау білдіруді ғана емес, өзге де салалармен сабақтасқан мәселелерді қамтиды.

Сондай-ақ, бағдарламаны бекіту аясында Ауылшаруашылығы өнеркәсіп кешендерін субсидиялау жүйесіне бірқатар түзетулер енгізу жоспарлануда. Өсімдік шаруашылығында бұл тармақ егін алқаптарын, оның ішінде, бидай алқаптары құрылымын диверсификациялауға қатысты. Ал мал шаруашылығында тәуекелі аз, жеммен қамтамасыз етілуі оңай орта және шағын шаруашылықтарды қамту және жайылымдық мал шаруашылығы әлеуетін пайдалану мүмкіндіктері қарастырылуда.

Сонымен қатар, «ҚазАгро» ұлттық басқарушы холдингі» АҚ-тың несиелеу саясаты қайта қаралатын болады. Атап айтқанда, бұл ауылшаруашылығы өнеркәсіп кешендері субъектілерін қамту аясын еселей түсетін орта және шағын жобаларға қатысты.

Мемлекет басшысымен бекітіле отырып, Агробизнес – 2020 бағдарламасын «мемлекеттік» форматында қайта бекіту үрдісі өңірлердегі ауыл шаруашылығы өндірісінің дамуына түрткі болады және де жоғарыда аталып өткен мәселелерді шешуге мүмкіндік береді.

Екіншіден, жаппай кәсіпкерлікті дамыту жұмысын жандандыру үшін ауыл тұрғындарын жұмыспен қамту және жеке қосалқы шаруашылықтар әлеуеттерін қолдану арқылы кәсіпорындардың қайта өңдеу қуаттарын жүктеу шаралары қолға алына бастады. Бұл ауыл шаруашылығы өнімдерін өндіру мен жылжытуды орталықтандыру үшін жасалуда.

Құрылатын ауыл шаруашылығы кооперативтері сүт, ет, жемістер мен көкеністер, жүн мен тері әзірлеумен, сондай-ақ, омарташылық, құс шаруашылығы, тауарлық балық шаруашылығы және Ауылшаруашылығы өнеркәсіп кешендерінің басқа да бағыттарымен айналыса алады.

Ауыл тұрғындарын жұмыспен қамту шараларын іске асыру арқылы 3 жылда тауарлық өндіріске 226 мың жұмыспен қамту шараларын тарту және 70 мыңнан аса жұмыс орынын ашып, қайта өңдеу кәсіпорындарының жүктелімін кемінде 20 пайызға арттыру көзделуде.

Бүгінде 448 ауыл шаруашылығы кооперативі құрылып үлгерді және де ауыл шаруашылығы кооперативтері үшін арнайы салықтық режимді іске асыру барысында жердің болуы талабын жою бағытында жұмыстар жүргізілуде.

Үшіншіден, жеке тұрғын-үй құрылысы үшін жер телімін беру мәселесі қаралды.

Кеңейтілген отырыста Мемлекет басшысы «Нұрлы жер» бірыңғай тұрғын-үй құрылысы бағдарламасын әзірлеуді тапсырған еді. Онда жеке тұрғын үй құрылысы үшін 10 сотық жер телімін бөлу мәселесі қозғалады.

Бұл мәселені шешу үшін Жер кодексіне әкімдіктерге мемлекет қажеттілігіне жеке тұрғын үй құрылысын салу үшін жер телімдерін сатып алу мүмкіндігін беру бойынша өзгеріс енгізу көзделуде.

Айталық, кезекте тұрған азаматтардың тізімін жүйелеу және екі рет тегін жер телімін алу жағдайларын болдырмас үшін «Электронды үкімет» порталында кезекте тұрған азаматтардың бірыңғай реестрін құру жоспарлануда. Бұл жер телімдерін беру механизмдерін жетілдіріп, ел аумағында өтінімдердің бір формасы арқылы арнайы есеп жүргізуге және ағымдағы есепті өзектендіруге мүмкіндік береді.

Төртіншіден, 2016-2017 жылдары экономикалық өсімді ынталандыру және жұмыспен қамтамасыз ету жоспары аясында биылғы жылы министрлікке 97 млрд. теңге көлемінде қосымша қаржы бөлінді. Бұл қаражат алға қойылған міндеттерді орындау және өндіріс тиімділігін арттыруға бағытталған.

Ендігі кезекте, Министрліктің міндеті – аталған бюджет қаражатының тиімді игерілуін қамтамасыз ету.

Сондай-ақ, жиын барысында суармалы жерді 600 мың гектар ұлғайту және олардың инфрақұрылымын жетілдіру мәселелері сөз болды.

Бесіншіден, 2016 жылы жануарлардың аса қатерлі ауруларына қатысты эпизоотикалық жағдай жекелеген инфекциялардың таралуын есептемегенде, қалыпты күйде және бұл бағытта тұрақтылық бар. Мысалы, жыл басынан бері жануарлар ауруларының 95 ошағы тіркелсе, олардың 42-сі дереу жойылып, жергілікті атқарушы органдар шешімімен жабылды. Ал қалған 42 ошақта нұсқаунамаға сәйкес ветеринарлық-карантиндік іс-шаралар жүргізілуде. Сонымен қатар, тіркелімге алынған бруцеллезді 109 пунктте сауықтыру жұмыстары жүргізілуде.

2016 жылы 135,5 млн манипуляция жүргізу жоспарланған. Ағымдағы жылдың 7 айында 76,6 млн манипуляция жүргізу жоспарланған. Оның ішінде, 73,1 млн манипуляция жүзеге асырылып, 7 айлық көрсеткіштің 95,4 пайыз жоспары орындалды.

ҚР Премьер-Министрінің орынбасары – Ауыл шаруашылығы министрі Асқар Мырзахметов отырыс барысында айтылған мәселелерді қорытындылай отырып, алдағы уақытта ауылшаруашылығы өнеркәсіп кешендерін жаңа деңгейге көтеру бойынша бірқатар тапсырмалар берді және де олардың орындалуы қатаң бақылауда болатынын ескертті.