Еліміздегі ең танымал әншілердің бірі Қайрат Нұртас келесі концертіне әлемге әйгілі орындаушыларды шақыратынын мәлімдеді.
Бұл туралы Гәкку арнасына сілтеме жасап Stan.kz хабарлады
Жуырда ғана «Алматы-Арена» мұз сарайында инновациялық шоу концерт беріп, елді өзіне қаратқан Қайрат Нұртас мұнымен тоқтап қалмақ емес. Әнші 2018, 2019 жылдары өз концертіне әлемге танымал орындаушылар 50 Cent пен Snoop Dogg-ты шақыратынын айтты.
Естеріңізде болса, бұған дейін Қайрат өзінің концертіне ресейлік Нюша мен Тиматиді шақырған еді. Ресейлік аруды қазақ тілінде ән салдырған Қайрат ол кезде де көпшіліктің таңданысын тудырды. Ал бұл жолы әнші отандық эстрадамыздың жарық жұлдыздарымен бірге өнер көрсетуді жөн көрген. Оның себебін әншінің анасы әрі продюсері өздерінің тарапына айтылған елдің сынымен түсіндірді.