Қазақ баласы Қазақстанның ең қымбат футболшысы атанды

4 қантар 2017, 9:54

166

Transfermarkt.de сайтының дерегіне сай, Қазақстан құрамасының жартылай қорғаушысының трансферлік құны 1 миллионнан 1,8 миллион евроға дейін көтеріліпті, деп жазады Vesti.kz.

Бұдан бұрын Исламхан ең қымбат қазақстандық футболшы атағын «Астана» футбол клубының жартылай қорғаушысы Дмитрий Шомкомен бірге «бөлісіп» келген еді.

Дәл қазір Шомко мен оның командаласы Юрий Логвиненконың трансферлік құны 1,2 миллион евроға бағалануда. Қазқстандық қымбат футболшылар тізіміндегі төртінші және бесінші орында «Қайрат» қақпашысы Стас Покатилов пен «Астананың» шабуылшысы Роман Муртазаев келеді.

Ал Қазақстанда ойнайтын шетелдік ойыншылар арасындағы ең қымбат футболшы “Астана” өкілі Неманья Максимович екен. Оның трансферлік құны 3 миллион евроға бағалануда.