Аяқ-асты құрылған Үкімет комиссиясы Жамбыл облысында жүр

19 ақпан 2017, 11:10

Үкімет комиссиясының құрамына Қорғаныс министрінің орынбасары Т.Мұхтаров, Қаржы вице-министрі Т.Савельева, Ішкі істер министрінің орынбасары Ю.Ильин, Еңбек және халықты әлеуметтік қорғау вице-министрі С.Жақыпова, Денсаулық сақтау вице-министрі А.Цой және Жамбыл облысы әкімінің бірінші орынбасары Б.Орынбеков кірді.

Комиссия мүшелері оқиға орнында төтенше жағдайдың себебін анықтап, қаза тапқандардың отбасына көмек көрсету жұмыстарын ұйымдастырумен айналысады.

Бұл мәселе ҚР Премьер-Министрі Бақытжан Сағынтаевтың жеке бақылауында.

Айта кетелік, 17- ақпанда Жамбыл облысындағы Көксай шатқалында өтіп жатқан №91678 әскери бөлімі әскери қызметшілерінің жауынгерлік дайындығы бойынша жоспарлы сабағы кезінде күтпеген жерден қар көшкіні орын алды. Қазіргі таңда Жамбыл облысы Көксай шатқалындағы іздестіру-құтқару жұмыстары аяқталды, 7 әскери қызметші қаза тапты.