Атырауда досы арқылы еліндегі туыстарына қара уылдырықты беріп жібермекші болған Ливан азаматы сотталды, деп хабарлайды облыстық соттың баспасөз қызметі.
Сот отырысында анықталғандай, сотталушы Э. 2017 жылдың қараша айында «Мерей» базарында өзіне таныс емес адамнан пластикалық ыдысқа салынған, жалпы салмағы 2 келі болатын бекіре тұқымдас балықтардың уылдырығын 120 000 теңгеге сатып алып, заңсыз сақтап, желтоқсан айында Стамбул қаласына ұшып бара жатқан өзінің досы Х. арқылы 4 пластикалық ыдыстарға салынған уылдырықты беріп жібереді.
Әуежай полиция қызметкерлері жүкті қарау барысында Х.-ның жүгінен бекіре тұқымдас балықтарының уылдырығы табылған.
Сот отырысында сотталушы Э. және оның қорғаушысы кінәні мойындау туралы процессуалдық келісімді жасауға ерікті түрде ниет білдірген.
Сот үкімімен Э. Қазақстан Республикасының ҚК-нің 339-бабымен кінәлі деп танылып, оған 500 айлық есептік көрсеткіш мөлшерінде, яғни 1 134 500 тенге айыппұл жазасы тағайындалды.
Сот үкімі заңды күшіне енген жоқ.