Қазақстан ең негізгі одақтасы Ресейден келетін өнімдерге уақытша тыйым салды. Онсызда дүкен сөрелерінде толып тұрған орыстың еті мен сүтін отандастарымыз әзірше тұтына алмайды.
Бұл туралы КТК хабарлады.
Себебі Ресейдің Владимир облысындағы шаруа қожалықтарында қауіпті аусыл дерті тараған. Ондағы 800 малдың 400-і сауын сиыр екен. Ауру жұқтырғаны дәлелденген 100 бас мал дереу сойылып көзі жойылыпты. Індет ошағы қоршауға алынып эпидимиологтар залалсыздандыру жұмыстарын жүргізіп жатыр.