Атырауда жеделсатының шахтасында болған қайғылы оқиғаға қатысты қылмыстық іс қозғалды. Әзірге тергеу тек дерек бойынша жүргізілуде.
Бұл туралы КТК арнасы хабарлайды.
Жұмыс істемейтін жүк тасығыш лифтіні ашып көрмек болған екі жасөспірім 15-ші қабаттан төменге құлап кеткен. Мұнда қайғылы оқиғадан кейін де қауіпсіздік шаралары жасалмаған. Тұрғындарға әлі де қауіп төніп тұрған жайы бар, өйткені лифтінің есігі жартылай ашық тұр.Болған оқиғадан кейін әлі де ес жия алмай жүрген тұрғындардың айтуынша, 15 жастағы қос жасөспірімнің бірі осы үйде тұратын тумаларына қонаққа келген.
“Есікті ашсам, бір орыс келіншек «помогите» деп, көршілер де келген, мен мына жерде уже алып жатыр, мен есікті қайтадан жаптым ананы көре алмай, екі баланы шығарған уже. Екі бала ол кезде тірі болды.
Одан кейін скорый шақырдық, келіп болмады, линия занят болды.
Балалардың бірі оқиға болған жерде жан тапсырса, екіншісі арада бір сағат өткенде аурухананың жансақтау бөлімінде үзілген. Дәрігерлердің айтуынша, екеуі де бастан қатты соққы алған, омыртқа, мойындары сыныпты”,- дейді Атырау қаласының тұрғыны Шынар Дүйсенғалиева.
Ал Атырау облыстық ауруханасының бас дәрігерінің орынбасары облыстың әкім қаралары Ақтөбеде болған жайттан соң сабақ алмағандарын жеткізді.
“Несовместимо с жизнью дейді ғой, сондай жағдай болып кетті. Бүкіл деген бүкіл травма алған. 15-ші этаждан құлаған бала қалай, сау жері жоқ.
Осыдан бір ай бұрын Ақтөбеде болған қайғылы оқиғадан атыраулық әкім-қаралар әлі де сабақ алмапты.
Өйткені осы уақытқа дейін алаңсыз отырған олар енді жеделсатыларды шұғыл түрде тексерістен өткізбекші. Ал бүгінгі тиіп-қашып таратқан ақпараттарына қарағанда, түндегі жағдайға тұрғындардың өздері кінәлі сияқты”,-дейді дәрігер Бауыржан Ахметқалиев.