Атырау облыстық соты ғимараты алдында 29 жастағы қала тұрғыны өзін-өзін өртеп жіберді деген ақпарат жоққа шығарылды.
Бұл туралы Атырау облыстық сотының баспасөз қызметі хабарлады. Сөйтсе бұл бір жыл бұрынғы ескі ақпарат болып шықты.
„2017 жылдың 26 ақпанында «Единая Медийная Площадка Демократических Сил Казахстана» сайтында 25- ақпанда Атырау облыстық соты ғимаратының алдында Атырау қаласының 29 жасар тұрғыны өзін-өзі өртеген деген ақпарат жарияланды. Бұндай жағдай орын алмағандықтан, аталған жағдай шындыққа сәйкес келмейді.
Ұқсас жағдай бір жыл бұрын 2016 жылдың 25-ақпанында орын алған болатын, онда азамат Кехаев Артем Акимович туыстарынан өз үлесін ақшалай бөлу туралы іс бойынша талап қоюшы ретінде шығарылған сот шешімімен келіспей, Атырау облыстық соты ғимаратының алдында өзін-өзі өртемекші болған.
Оқиға орнына келген «жедел жәрдем» қызметінің дәрігерлері мойыны мен оң жақ білек тұсында 2-3 дәрежелі күйік бар деп диагноз қойды. Осы оқиға бойынша барлық материалдар тергеу амалдарын жүргізу үшін полиция органдарына берілді„ делінеді облыстық соттың баспасөз қызметі таратқан хабарламада.