Атырауда несиені заңсыз таратқан Халық банктің қызметкері ұсталды
Атырау облысында бірнеше адамға заңсыз несие алуға көмектескен Халық банктің қызметкері ұсталды.
Бұл туралы облыстық мемлекеттік кіріс департаментінің экономикалық тергеу қызметінің профилактикалық жұмыс және бақылау басқармасы хабарлады.
Облыстық мемлекеттік кірістер департаментінің экономикалық тергеу қызметі бірнеше азаматқа қомақты несиені тіркетуге көмектескені үшін жүйелі түрде пара алатын «Қазақстан Халық банкі» АҚ Атырау филиалы Индер аудандық басқармасының бастығы Р.Мұхтарованы ұстады. Ол 5 млн теңгеден жоғары несиеге 260 мың теңге заңсыз сыйақы алу кезінде құрықталды.
Оған тағылған айып бойынша мүлкі тәркіленіп, 3 жылға дейiнгi мерзiмде белгiлi бiр лауазымдарды атқару немесе белгiлi бiр қызметпен айналысу құқығынан айырыла отырып, 7 жылдан 12 жылға дейін бас бостандығынан айыру жазасы қарастырылған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе