Атырауда автосалон өртенген көлікті жаңалап беретін болды
Атырау қалалық сотына су жаңа көлігі түгі қалмай өртеніп кеткен адам шағымданды.
Бұл туралы Атырау облыстық соттың баспасөз қызметі хабарлады.
Сот кезінде 2016 жылдың шілдесінде атыраулықтың «В» ЖШС салонынан несиеге «УАЗ 23632-249» көлігін сатып алғаны айқындалды. Бір ай өткен соң су жаңа көлік өздігінен өртеніп, түгі қалмай жанып кеткен. Сақтандыру компаниясы сақтандыру жағдаяты орын алмағандықтан бір реттік сақтандыру төлемін төлеп құтылмақ болады. Ал автосалон зардап шегушіге шығынды өтеп беруден бас тартқан.
Алайда соттың өрт-техникалық сараптамасы от көліктің қозғалтқыш бөлігінен шығып, ток сымды жағалай тарағанын айғақтады. Осыған байланысты сот арызданушының бүлінген көлігін жаңаға ауыстырып беру туралы өтінішін қанағаттандырды. Ал бұл жайтты сақтандыру жағдаяты деп табу бойынша арызын қанағаттандырмады.
Сот шешімі әлі заңдық күшіне енген жоқ.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз