Атырау облысының бұрынғы әкімі Бергей Рысқалиев жауап алу үшін сыбайлас жемқорлыққа қарсы іс-қимыл ұлттық бюросына шақыртылды, деп хабарлайды Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметіне сілтеме жасап Stan.kz ақпараттық агенттігі.
Тергеу жұмыстары барысында экс-әкімнің заңға қайшы әрекеттерін растайтын айғақтар табылды.
Іс материалдары бойынша, Бергей Рысқалиев пен оның сыбайластары ұйымдасқан қылмыстық топтың мүшелері болған, лауазымдық өкілеттіктерін теріс пайдаланған, мемлекет мүлкін және бюджет қаражатын өз иелігіне өткізген.
Рысқалиев және басқа да тұлғалар мемлекет аумағынан сыртта болғандықтан, Сыбайлас жемқорлыққа қарсы қызмет хабарламаны БАҚ-та жариялады.