Атырау облысындағы шекарада оқ атылды, зардап шеккендер бар
Атырау облысындағы шекарада оқ атылды.
Атырау облысында шекара қызметінің офицері қызметтік қаруды қолданған, деп хабарлайды ҚР Ұлттық қауіпсіздік комитеті Шекара қызметінің баспасөз қызметі.
Батыс өңірі прокуратура мәліметтеріне сәйкес, 10 қазан күні түнде ешқандай жарығы жоқ, суда жүзген қайықтарды байқап қалады. Қайықтағы адамдар шекарашыларға сес көрсете заңсыз ауланған бекіре тұқымдас балықтарды мотоцикл мен көлікке салып алады. Шекарашы офицер мен сержант браконьерлерді ұстамақшы болғанымен, балықшыларға көмек көрсету үшін отыз шақты адам жиналады.
“Олар ұсталғандарды жіберуді талап етіп, шекарашыларды қорқытады. Заңға қайшы әрекеттердің алдын алу мақсатында шекарашы-офицер өз қаруын ауаға атады, алайда белгісіз адамдар офицерді соққыға жығады”, — делінеді хабарламада.
Өзіне қарсы шыққан адамдардан қорғану мақсатында шекарашы қаруын жерге атуға мәжбүр болған. Заңсыз балық аулаған адамдарды ұстау мүмкін болмады. Олар оқиға орнынан белгісіз бағытта кетіп қалған. Таңертең облыстық ауруханаға аяғында оқ тиген жарақаты бар ер адам келген.
Қазіргі уақытта оның болған оқиғаға қатыстылығы анықталып жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе