Осыдан төрт ай бұрын семейлік Ақерке Қозыкешованы қайын атасы қатыгездікпен өлтірді деген ақпарат БАҚ беттерінде тарады.
Ақерке Қозыкешова Батыс Қазақстанға бұрынғы күйеуі мен енесі әкеткен бір жарым жастағы ұлын алып қайту үшін барған екен. Әйтсе де, баланы бергісі келмеген Асылбек Омаров келінін аямай соққыға жығып, артынша пышақтап өлтірген. Сосын полицияға өзі барып, жасаған қылмысын мойындапты. Бірақ келіншектің жақындары оның жалғыз өзі өлтіргеніне күмән келтіріп отыр.
https://kaz.365info.kz/auyndy-zhinap-otsaj-zhasyryn-kameraga-tysip-khalgan-khajrat-nyrtastyn-ajeli-tagy-da-yyatkha-khaldy-video-325367
Күні кеше ғана Оралдағы ауданаралық мамандандырылған сотта келінін баумен қылқындырып, кейін пышақтап өлтірген Асылбек Омаровқа қатысты сот отырысы өтті. Сот барысында айыпталушы 8 сәуір күні орын алған жағдай туралы қандай да бір мәлімдеме жасаудан, сонымен қатар марқұмның туыстарына 10 млн теңге моральдық шығынды төлеуден бас тартты.
Сондықтан да, судья ол кісінің алдыңғы жауабын оқыды. Бұл құжаттама қағазда оқылған деректерге сүйенсек, Асылбек Омаров басында қол жұмсаймын деген ойы мүлдем болмаған екен. Бірақ сотталушының айтуынша, Ақерке оны балағаттап, ашуына тиген. Мұндай сөздерге шыдамаған ол Ақеркеге жұдырық ала жүгіріп, аямай тепкілеген. Одан кейін шалбардың бауымен буындырып, кеуде тұсына суық қаруды сұғып алыпты.
«Бұл қылмысты Асылбек Омаровтың жалғыз өзі істегеніне сенбейміз. Менің ойымша, бұл қылмысты ол келінінің бұрынғы күйеуі Саят Қозыкешовпен бірге істеген.
Оны іздестіріп жатқанда, Саят қан іздерін киімінен жуып тастаған. Қылмыстан кейін оны 10 күн бойы іздестірді», – деді марқұмның анасы.
«Ол атасынан өте қатты қорқатын, жасқанатын. Ақерке қызымыз біреуді балағаттап, дөрекі сөз айту дегенді білмейтін. Кішкентай кезінен бастап «барған жеріңе балдай батып, судай сің» деп ақылымызды айтып отыратынбыз. Тәні қара жер қойнауында жатса да, артынан түрлі қауесеттер таратты. Барлық жасап жатқан іс-әрекеттерінің басты мақсаты жазаны жеңілдету. Енді , міне аққа қара жағып, жала жауып отыр. Тергеу әрекеттері дұрыс жүргізілмеді, жалпы айтқанда көңіліміз толмады.
https://kaz.365info.kz/kamiletke-tolmagan-asan-perdeshov-9-synyp-okhushysyn-zhar-etip-aldy-foto-325210
Ақеркенің жаназасын шығарғанда да, одан кейін де Саят Қозыкешовтың бірде бір туысы келіп, ең болмаса, көңіл де айтпады», – дейді марқұмның нағашы апайы Райхангүл Абдрахманова.
Ал қылмыскердің әйелі Айгүл Омарова болса, «Орал апталығы» газетінің редакциясына өз шындығын айтыпты.
«Ақерке өте ашушаң, шыдамсыз еді. Менің ұлыммен бірге тұрғанда, екеуінің араларында жиі жанжал болып тұратын, – дейді ол. – Ақерке көз жұмған күні тағы да бір-бірімен ұрсысты. Кішкентай баласына қарамайтын, уақытының көбісін әлеуметтік желіде өткізетін. Осындай жаман жақтарын көрген Асылбек ылғи ызаланатын. Бізге ұнамайтын қылықтарын байқасақ та, үндемеуге тырысатынбыз. Ақерке Ақсай қаласындағы қонақ үйлердің бірінде шетелдік азаматпен көңіл жарастырған. Осыны естіген ұлым онымен дереу ажырасқан. Күйеуім негізінде өлтіргісі келмеді, өзі ғайбаттап, айғайлап, осындай іске итермеледі».
https://kaz.365info.kz/videoga-tysirgen-12-zhasar-khyzdy-zheti-aj-bojy-yjinde-zhymys-istejtin-18-erkek-zorlagan-325200
Дегенмен, ешкімнің өз бетінше адам өмірін қиюға хақысы жоқ. Әр адам “Қылмыстың түбі -жаза” екенін ұмытпаса екен.
Әлеуметтік желі қолданушылары да марқұмды қайын атасы емес, күйеуі өлтірген деген болжам айтып отыр. Орал қаласының тұрғындарының айтуынша, әкелі-балалы екеу осыған дейін бірнеше рет қылмыстық жауапкершілікке тартылған екен.
https://kaz.365info.kz/akhsha-tolegen-son-ajzhan-bajzakhovanyn-ayagy-auyr-eken-video-325048