Қазақстанда мектеп пен балабақшалардағы балалардың ата-аналары құратын комитеттерге тыйым салу ұсынылды.
Бұл ұсыныс ҚР Мемлекеттік қызмет істері және сыбайлас жемқорлыққа қарсы күрес агенттігінен шығып отыр. Өйткені
мұндай «комитеттер» негізінен ақша жинаумен айналысады, ол да жемқорлыққа жатады-мыс.
Агенттіктегілер ата-аналар комитеттерінің тірлігін тұрмыстық сыбайлас жемқорлық деп бағалайды екен.
“Қазір барлық мектеп пен балабақшада ата-аналар комитеттері бар. Олар неше-түрлі ұйымдастырушылық жұмыстармен қатар, ақша жинаумен де айналысады. Ал ақшаны не үшін, қандай сомада, қай күнге дейін жинап беру керектігін мектеп, не балабақша қызметкері белгілейді. Бұл – тұрмыстық коррупция“, — делінеді мекеменің хабарламасында.
Осылайша Агенттік
ҚР Білім және ғылым министрлігіне ата-аналар комитеттерін тарқатып жіберу мәселесін қарастыруды ұсынуда.